بسم الله
على عجالة ..
أصـــــــل الموضوع .. دار حديث مع البعض عن أعمار الغنم .. وكيف تعرف هذا كبير وإلا صغير .. وكم حد عمر الخروف
الزبدهـ أني جمّعت بعض الصور حتى الواحد يعرف أسنان الغنم و وش الطيب منها و وش الردي ..
قبل البدأ
الموضوع يفيد الي بيشرون غنم (ثلاجة أو مناسبة أو ضحية) بالدرجة الأولى .. والي بيستفيد و يأخذ خبرهـ ببلاش بدون صجه ولجه و ازعاج وريحه وخياس
أول خروف شريته لحالي في ثاني ثانوي .. مساعدة لزواج ولد الجيران كان الخروف كبر البعير أو أكبر بشوي .. بس يسمونه خروف ..
كان سعرهـ والله ما أحد يتوقعه .. بـ 350 ريال >>> يا بلاش.. الظاهر أنه رخلة و عمره سديس ..
نبدأ بسم الله أول مايولد الخروف
أول مايولد الخروف يسمى رضيع أو (لبّاني) إلى أن يصل إلى عمر 3 أشهر
- الأسنان تكون في الفك السفلي فقط أما الضروس تكون في الفكين فوق وتحت.
- تولد الأغنام بثلاث أزواج من الأسنان اللبنية (يعني 6أسنان) ويظهر الزوج الرابع (يعني 8 أسنان) عند عمر ثلاث أسابيع.
- تدوم الأسنان (اللبنية) حتى عمر 6- 8 شهور من بعد الولادة وتكون متباعدة وبيضاء
يسمى في هذي الفترة (من 3 إلى 8 شهور) جذع >>>> أفضل أنواع اللحم
وهذي صورة الجذع
بعدها يبدأ في التبديل ..
يبدل الزوج الأمامي بأسنان دائمة تسمى ثني وعمر الثني من سنة إلى سنتين
وهذي صورة الثني >>>> أفضل أنواع اللحم
ثم يبدل الزوج الثاني بأسنان دائمة تسمى رباع وعمر الرباع من سنتين إلى سنتين ونص
وهذي صورة الرباع >>>> ما يبيعه إلا الغشاشين .. ولا يشريه إلا الغشيم ..!! أو حقين المطاعم >>> إذا كلت كباب أو أوصال كأنها - أستك - أعرف أن اللحم لحم سديس أو رباع
ويبدل الزوج الثالث في عمر 3 أعوام ويسمى(سديس)
وهذي صورة السديس
والزوج الرابع في عمر 4 أعوام ويسمى(تام)
وهذي صورة التام
بعد التام تبدأ الأسنان تسقط تدريجياً بنفس الترتيب السابق
يالله حسن الختام ,,,
إن شاء الله استفدتوا ..
7
7
7
الخميس ديسمبر 13, 2007 3:38 am
